LEIHAKETA

Bueno, Gallipoli-ren galdera nahiko zaila izan dela esan didate beraz hemen duzue errazago bat. Ondorengo zerrendan zein dago soberan:

Moulin Rouge
Los Otros
Calma Total
Dias de Trueno
Oficial y Caballero
Las Horas
Dogville

Erantzuna beti bezala uberander@hotmail.com era bidali. Asmatzen duenari 5 puntu!

CHANGELING (El Intercambio) -2008-

Clint Eastwood-ek berriz ere pelikula bikaina eskeintzen digu.

Bahitutako haur baten amak, poliziaren korrupzioaren aurrean jasan behar dituen ezbeharrak erakusten dizkigu bertan.

Oscar-etarako izendatua izango den Angelina Jolie ederki dago bere paperean baina batez ere, gure Clint handiaren eskua nabari da filmean.

Ederki kontatutako pelikula, detaile guztiak zainduz, emozio ezberdinak sortaraziz, eta girotze bikainarekin.

Benetan gomendagarria naiz eta apur bat luzea izan.

ONENA: Zuzendaria: Clint Eastwood

TXARRENA: Clint zahartzen ari zaigula eta eztuela askoz filme gehiago egiteko denborarik izango. Lastima...

BITXIKERIA: Angelina Jolie-k badu Oscar bat. "Inocencia interrumpida" filmean irabazi zuena eta han ere, honetan bezala, sikiatrikoan sartuta ibili zen. Hau da erokeria aizue!

BERRIAK

Bueno bueno,

Azken leihaketako irabazlea Barkaha izan dugu, berak eman bait du erantzun zuzena.
Irudiko pelikula Gallipoli da, Mel Gibson gazte bat erakusten ziguna.

Beraz 5 puntu berarentzat: ZORIONAK!

LEIHAKETA

Eta aspaldiko partez, leihaketa!!!

Zein pelikula da?

Erantzunak uberander@hotmail.com -era bidali.

Gogoratu, asmatzen duen bakoitzari, 5 puntu eta blogean aipamen berezia jasotzearen ohorea! UAAUAUAUAUAUA! Torreviejako apartamentu bat baino hobea ez al da!!??

Animo!

LOS CRONOCRIMENES -2007-

2004-ean Oscar-etarako izendatua izan zen Nacho Vigalondo zuzendari espainiarra bere "7:35 de la mañana" eta horrek bere lehen luzemetraia den hau egiteko ateak ireki zizkion.

Esan beharra dago ez dela erraza gai honetako filmeak borobiltzea, egia esan, ia ezinezkoa dela iruditzen zait denboran zehar bidaiatzearen inguruko pelikula bat zeharo ongi ixtea. Halere Vigalondok debut txukuna egiten du hemen, ongi eraikitako gidoi batekin era egokian filmatuz.

Interpretazio aldetik ordea nahiko flojoak iruditu zaizkit denak. Kuadrillakoen artean egindako antzezlanaren usaina du eta hori laburmetraietan bale, baino luzemetraietan pausu bat aurrera egin behar dela iruditzen zait.

ONENA: Gidoia (ahal den neurrian).Detaile guztiak ongi zainduta daude.

TXARRENA: Agian neu naiz, Karra Elejalderi pakete pixkat diodana...

BITXIKERIA: Tom Cruise-en produktorak (United Artists) filmaren eskubideak erosi zituen remake bat egiteko.

KOMENTARIO FRIKIA: Filme hontako denbora makiñak ez al du "Demolition Man"-eko presoak hizozteko makiña gogorarazten?

P.D: Reflexio mota hauetara iristeak asko kezkatzen nau...

THE DUELLISTS (Los Duelistas) -1977-

Aurkikuntza oso interesgarria iruditu zait filme hau.

Napoleonen garaian bi frantziar soldaduren arteko ohorezko lehia kontatzen da. Ezpataz eta pistolaz urteetan zehar duelo ezberdinetan neurtzen dira, azkenik bat garaile irten arte.

Gaur egun famatua den Ridley Scott (Alien, Blade Runner, Gladiator...) zuzendariaren lehen luzemetraia da hau eta garbi erakutsi zuen bazuela habilezia lanbide honetarako, bai horixe!

Protagonistak Keith Carradine (David "Kung Fu" Carradine mitikoaren anaia) eta Harvey Keitel paregabea ( Reservoir dogs, El Piano, Malas Calles...) ditugu.

ONENA: Ezpatazko dueluak eta batez ere Rusian hizoztutako soldaduen pasartea.

TXARRENA: Istorioaren oinarria edo abiapuntua ahul xamarra iruditu zait.

BITXIKERIA: Albert Finney ( Network, Muerte Entre Las Flores, Big Fish...) aktore apartak agerpen labur bat du.

AMERICAN GANGSTER -2007-

Ez da "El Padrino", ez "Los Intocables", ez "Uno De Los Nuestros", ez "Scarface", ez "Atrapado Por Su Pasado", ez "Casino", ez "Infiltrados"...

Gangster generoan falta zitzaigun pelikula bezala saldu dute "American Gangster" hau, Oscar-etarako faboritoa, zuzendari bikaina (Ridley Scott) eta aktore bikainak (Denzel Washington, Russell Crowe). Ados.

Frank Lucas trafikatzailearen istorioa kontatzeke zegoela eta merezi zuela pelikula bat, ados.

Mafiari buruzko pelikula garrantzitsu bat bezala geratuko dela, ados.

Baina hasieran aipatutakoen aldean, honek ez du horrelako indarrik transmititzen, nire ustez, "crescendo" deritzona falta zaio eta baita tentsio apur bat metraia osoan zehar.

Denzel Washington bikain dagoela iruditu zait baina Russel Crowe-n gandik zerbait hobeagoa espero nuen.

"El Dilema", "L.A.Confidential", "Master & Commander" etab. -eko Crowe onenaren zain jarraituko dugu.

Ojo! Oso pelikula txukuna, kartelerako kalitate media puntu ASKOTAN igotzen duena, baina ez maisulana.

ONENA: Crowe-k laguna estuasunetik nola ateratzen duen eta jarraian datorren ambulantziako eszena. Hori da Crowe onena!

TXARRENA: Maisulan bezala iragartzeak ekartzen duen dezepzio apurra.

BITXIKERIA: Gaur egun, bi protagonistak lagun minak omen dira...